Kategoriak
Uncategorized

Ingelesera iristeko abentura

Bederatzi urte behar izan dira, baina Jayren eta bidean batu zaizkionen eginahal nekaezinari esker badago ingelesez nire lehen liburua, The good don´t use umbrellas, Los buenos no usan paraguas autobiografikoaren moldaketa-itzulpena. Ahalegin hau Txilen -eta non ez!- oraindik bizi den errepresio eta kriminalizazio giroa salatzeko kanpainaren barruan sartzen da eta Erresuma Batuan eta AEBn egongo da eskuragarri Active Distribution argitaletxearen eskutik (eskerrik asko, Jon). Azpimarratzekoak eta eskertzekoak dira Gavinek eta Georginak gaztelerazko bertsioa egokitu eta ingeleseratzeko debalde egindako lana, eta opari handiak dira Penny Rimbaudek eta Ruth Kinnak liburuari eskainitako berbak. Ezin ahaztu, halaber, Anarchiest Studies erakundeko Jimek emandako laguntza.

Beste urrats bat estatu eta kartzela ororen aurkako borrokan.

Liburua eskuratzeko jarri harremanetan argitaletxearekin 😉

Bestalde, merezi du Punk Ethics-eko lagunek eta Lluís Ràfols adiskide handiak, zein bere arloan, egiten duten lanari begiratua ematea. Elkar-laguntza berba ederra baino zerbait gehiago da…

Kategoriak
Prozesuaren egoera

Txileko gobernu berriak berean jarraitzen du

Boricen gobernu berriak, maputxeen borrokan bezala (gogora dezagun duela gutxi gertatutako Héctor Llaitulen atxiloketa, besteak beste), aurrekoen bideari jarraitzea erabaki eta gezurrez betetako txostena helarazi dio Amerikarteko Giza Eskubideen Batzordeari, aurreko gobernuek (Bachelet eta Piñera) adierazpen eta kontzientzia askatasunaren kontra abiatutako gerraren logika berea eginez.

Hona txostena.

Kategoriak
Musika

Musika solidarioa itxialdia eztitzeko

Gaur Fermin Muguruzak, bere elkartasunarekin batera, maputxe herriari aspaldi eskaini zion kantarekin egin duten muntai hau gomendatu digu. Aselek berak aitortu du maiz kanta honen bidez izan zuela maputxe herriaren berri haien lurretara hurbildu baino dezente lehenago.

Eskerrik asko, Fermin! Elkar zainduz aurrera egingo dugu.

Kategoriak
Kanpainak

Aselen aldeko bideo-kanpaina

EIEk Aselen alde antolatu dituen kanpainen artean, bideo-atxikimenduak bidaltzeko deialdia luzatu genuen otsailean. Aste hauetan iritsitakoekin, bideo hau prestatu du John Anduezak. Aselen kasua kontatzeko beste modu bat. Bideoak bidaltzeko epea zabalik dago oraindik eta, beraz, argitaratuko ditugu pixkanaka euskaraz zein beste hizkuntzetan jasotzen ditugunak. Eskerrik asko berriz ere eskuzabal erantzun duzuen guztioi! Eta besteok, lasai, jarraituko dugu zuen mezuak jasotzen eta bilduma berriak prestatzen. Bizi dugun itxialdia eztitzen lagunduko ahal dizue!

Kategoriak
Komunikabideak

Gure kanala: Asel Luzarraga; euskal idazlea Txileko estatuaren aurka

Kategoriak
Komunikabideak

Abian da Asel Luzarraga idazleari babesa emateko kanpaina

2020-03-04, Hitzen Uberan

Asel terrorista? Mesedez! izeneko kanpaina abiatu dute Euskal Idazleen Elkarteak eta Euskal PEN Klubak, Asel Luzarraga idazleari babesa emateko asmoz. Albiste honetan bildu ditugu Luzarragaren kasuari eta atxikimendu-kanpainari buruzko xehetasunak.

Kategoriak
Ekitaldiak

Herri Maputxearen kontrako kriminalizazioa 3 esperientzia desberdinetatik

Kategoriak
Kanpainak

Rayen Kvyeh maputxe poetaren mezua

Prestatzen ari garen bideo kanpainaren barruan, Rayen Kvyeh maputxe poetaren mezu esanguratsu hau jaso dugu, Wallmapuren bihotzetik eta bihotzez bidalita. Eskerrik asko, Rayen!

Kategoriak
Komunikabideak

Asel Terrorista? Mesedez! Prentsaurrekoa

.- Fito Rodriguez: “Asel Luzarragari gertatu zaiona kasu paradigmatikoa da, baina Toni Negrik Donostian salatu zuen jokaera perbertsoa –“Zoritxarrez Estatuak lortu du disidentzia guztia terrorismoarekin parekatu ahal izatea” –, aldatzen hasiko gara”

.- John Andueza: “Dokumental bat egiten ari gara Aselek Txilen bizitako ankerkeria eta ondorengo borroka luzea munduan kontatzeko. Gonbitea luzatu diegu hainbat idazle eta artistari bertan parte har dezaten. Ekoizpen sistema oso modernoa da: har dezala bakoitzak bere sakelako telefonoa, graba dezala Aselen kasuari buruzko hausnarketa, eta bidali dezala bideoa bideolari@gmail.com helbidera”

Asel Luzarraga eta Fito Rodriguez kanpainaren berri ematen.
Kategoriak
Komunikabideak

Egia Asel arazi

2020-02-27
Fito Rodriguez

Terrorismoaren kalifikazioa edo hainbat etnia baztertuz, edozein gatazka egiantzeko (baina ez egiaztagarri) bihurtzearren balio dute, eta horregatik bilakatzen dira sinesgarri. Horixe da Asel kasuan bilatu zutena.

2020-02-28 – Zugazart